بەپێی هەواڵی کوردپرێس، سەرچاوەیێک لە سەرۆکایەتی هەرێمی کوردستان بە سایتی خەندان-ی راگەیاندووە، بڕیاربوو هەرسێ سەرۆکایەتییەکەی هەرێمی کوردستان کۆ ببنەوە و تیایدا تاوتوێی چەندین پرس بکەن لەناویاندا گرژییەکانی ماوەی رابردووی پەرلەمانی کوردستان بەهۆی هەڵگرتنی پارێزبەندی لەسەر سۆران عومەر.

ئەو سەرچاوەیە وتیشی،"بەهۆی سەردانەکەی نێچیرڤان بارزانی، سەرۆکی هەرێمی کوردستان بۆ بەغداد و کۆبوونەوەکانی ئەنجومەنی وەزیرانی هەرێم لەسەر پرسی مووچە، بڕیار دراوە کۆبوونەوەکەی ئەمڕۆ هەڵوەشێتەوە و بخرێتە کاتێکی دیکە."

هەر بەگوێرەی ئەو سەرچاوەیەی سەرۆکایەتی هەرێم، لەئێستادا هەوڵەکان چڕ کراونەتەوە بۆ دەستپێکردنەوەی دانیشتنەکانی پەرلەمانی کوردستان، بڕیاریشە لەگەڵ دەستپێکردنەوەی دەوام، دانیشتنەکانی پەرلەمان دەست پێبکاتەوە.

کۆدی هەواڵنێر: 60113