کوردپرێس:

تەحسین خەفاجی وتەبێژى فەرماندەی ئۆپراسیۆنە هاوبەشەكانی عێراق لە کۆنفرانسێکى رۆژنامەنووسیدا ئاماژەی بەوەکرد، لە كۆی ٢٢٠ كیلۆمەتری سنووری نێوان عێراق و سووریادا، نزیكەی ١٤٠ كیلۆمەتریان تەواو كردووە و ئەم خەندەقە كۆتایی دەهێنێت بە دزەكردنی چەكداران لە سووریاوە بۆ ناو خاكی عێراق.

ئەو فەرماندەیە ڕوونیشی کردەوە، هێزەكانی هاوپەیمانان تاوەری چاودێری و تەلى دڕکاوییان پێداون بۆ ئەوەی لە خەندەقەكانی سنووری نێوان عێراق و سووریادا بەكاریان بهێنن.

ناوبراو وتیشی، جگە لە هێزەكانی وەزارەتی بەرگریی عێراق و كارمەندانی وەزارەتی سەرچاوە ئاوییەكان، هێزەكانی حەشدی شەعبی بەشدارن لە لێدانی خەندەقەكانی سنووری نێوان عێراق و سووریادا.