کوردپرێس: به‌گوێره‌ی راگه‌یه‌ندراوێكی ته‌ندروستی خه‌بات، پاش ئه‌وه‌ی له ڕێگه‌ی ڕاگه‌یاندراوێكی وه‌زاره‌تی ته‌ندروستی هه‌رێمه‌وه حاڵه‌تێكی نوێی تووشبون به ڤایرۆسی كۆرۆنا له كه‌مپی په‌نابه‌رانی (داره‌شه‌كران)ی كوردانی سووریا له ناوچه‌ی زراره‌تی له سنووری ناحیه‌ی داره‌شه‌كران راگه‌یه‌ندرا كه سه‌ر به به‌ڕێوه‌به‌رایه‌تی ته‌ندروستی خه‌باته، ده‌ستبه‌جێ تیمه‌كانیان به‌دواداچونیان ده‌ستپێ كردوه.
له‌وباره‌یه‌شه‌وه، دكتۆر هێرش سه‌عید ته‌رجانی، به‌ڕێوه‌به‌ری ته‌ندروستی خه‌بات رایگه‌یاندوه، له‌گه‌ڵ لایه‌نه په‌یوه‌نداره‌كان له ئیداره و ئاسایش و پۆلیسی كەمپەكە ده‌ستمان به ڕێكاری پێویست كرد و خانه‌واده‌ی تووشبووه‌كه ڕه‌وانه‌ی سه‌نته‌ری كۆرۆنا كراون بۆ مه‌به‌ستی پشكنین.
ئه‌وه‌شی خستوه‌ته‌ڕوو، ئەمڕۆ دوشه‌ممه، تیمه‌كانیان چه‌ندین نموونه‌ی پشكنین له ده‌وروبه‌ری ماڵی تووشبووه‌كه وه‌رده‌گرن و پاشان چی پێویست بێت له ڕێكاری خۆپارێزی و ته‌ندروستی ده‌گیرێته به‌ر.
کۆدی هەواڵنێر: 60113
Your Comment