کوردپرێس:

شەوی پێنجشەمە 4ی جوونی 2020 لە راگەیەنراوێکدا وەزارەتی تەندروستیی حکومەتی هەرێمی کوردستان رایگەیاند، لە بەردەوامیی پشکنینەکان و گەڕان بەدوای گومانلێکراوان و تووشبووان، 77 تووشبووی دیکەی ڤایرۆسی کۆرۆنای نوێ COVID-19 لە پارێزگای سلێمانی دەستنیشانکران، کە 40 پیاو و 25ئافرەت و 3 کچی گەنج و 3 کوڕی گەنج و 6 منداڵن.

بەپێی راگەیەنراوەکەى وەزارەتی تەندروستی، 21 تووشبوویان بەرکەوتووی تووشبووانی پێشوون و 56 تووشبووەکەی دیکە نیشانەیان هەیە، تووشبووەکان پێنجیان دانیشتووی قەزای چەمچەماڵ، پێنجیان دانیشتووی قەزای پێنجوێن، یەکێکیان دانیشتووی کۆمەڵگەی باریكە سەر بە ناحیەی عەربەت و 66 تووشبووەکەی دیکەش دانیشتووی ناو شاری سلێمانین.

بە تۆمارکردنى ئەم ژمارە نوێیە لەئێستادا ژمارەى تووشبوانى کۆرۆنا لە لە سنووری پارێزگای سلێمانی گەیشتە 589 کەس کە 163 تووشبوویان چاکبوونەتەوە و 13 تووشبووش گیانیان لەدەستداوە.