کوردپرێس: ئەمڕۆ یەکەم کاروانی کۆچبەر و سەردانیکەرانی کوردستانی سووریا لە دەروازەی سنووری سێمێلکاوە لە سنووری پارێزگای دهۆک، لە هەرێمی کوردستانەوە گەڕانەوە کوردستانی سووریا.
ئیدارەی دەروازەکە لە ڕۆژی ٢٧ی ئەم مانگەدا بڕیاری کردنەوەی ڕێگاکەی بەڕووی کۆچبەران و هاوڵاتیانی کوردستانی سووریا دەرکردووە پاش ئەوەی لە ١٤ی ئازاری ڕابردوودا لە ترسی کۆرۆنا داخرابوو.
بەپێی بڕیارەکە تا ڕۆژی چواری حوزەیرانی مانگی داهاتوو ڕێگاکە لەبەردەم کۆچبەران و هاوڵاتیان کراوە دەبێت.
ئاژانسی هەواڵی هاوار بڵاویکردووەتەوە کە ئەمڕۆ یەکەم کاروانی کۆچبەران لە هەرێمی کوردستانەوە گەڕاونەتەوە خاکی باکووری سووریا پاش ئەوەی لەلایەن لیژنەی تەندروستی دەروازەی سێمێلکاوە پشکنینی کۆرۆنایان بۆ ئەنجام دراوە.
هەروەها دەڵێت: ڕێکارەکانی خۆپارێزی و پاک و خاوێنی هاتووچۆ لە دەروازە سنوورییەکەوە توندوتۆڵ کراوە و ناوی هەموو ئەو کەسانەش تۆمار دەکرێت کە دەگەڕێتەوە و پشكنینی تایبەتییان بۆ ئەنجام دەدرێت.
کۆدی هەواڵنێر: 60113
Your Comment