بەپێی هەواڵی کوردپرێس، وەزیری تەندروستیی تورکیا رایگەیاند لە ماوەی 24 کاژێری رابردوودا 28 حاڵەتی مردن و 1022 حاڵەتی نوێی تووشبوون بە کۆرۆنا لە تورکیاتۆمار کراوە و بەوەش ژمارەی مردووان بەهۆی ڤایرۆسی کۆرۆناوە لە تورکیا بووە چوار هەزار و 199 کەس و ژمارەی تووشبووانی تۆمارکراو بۆ 151 هەزار و 615 کەس بەرز بووەوە.

لە ماوەی 24 کاژێری رابردوودا هەزار و 318 تووشبوو چاک بوونەتەوە، بە گشتی تاوەکوو ئێستا 108 هەزار و 137 تووشبوو چاک بوونەتەوە.

تورکیا قەدەخەی هاتووچۆی یەکجارەکیی رانەگەیاندووە، بەڵام سنووردارکردن هەیە. رۆژانی پشووی هەفتە، شەممە و یەکشەممە قەدەخەی هاتووچۆ لە چەند پارێزگایەکدا رادەگەیێنرێت.