بەپێی هەواڵی کوردپرێس، وەزارەتی تەندروستی عێراق لە راگەیەنراوێکدا ئەوەشی خستوەتەڕوو، لە 24 کاتژمێری رابردوودا چوار هەزار و 183 پشکنین ئەنجام دراوە و 119 تووشبووی نوێی کۆرۆنا لە سەرجەم پارێزگاکانی عێراقدا تۆمارکراوە کە 69 تووشبوویان لە بەغدا بووە.

ئەوەش هاتووە، هەروەها لەو ماوەیەدا 63 تووشبوو چاک بوونەوەتەوە و گەڕاونەتەوە ماڵەکانیان و زۆرترین ژمارەی چاک بوونەوەش لە پارێزگای بەسرە بووە کە 26 کەس بووە.

وەزارەتی تەندروستی عێراق ئەوەشی خستوەتەڕوو، لە 24 کاتژمێری رابردودا سێ تووشبووی کۆرۆنا گیانیان لەدەست داوە.

کۆی تووشبووانی کۆرۆنا لە عێراق گەیشتوەتە سێ هەزار و 32 کەس، لەو ژمارەیەش 115 تووشبوو گیانیان لەدەست داوە و هەزار و 966 کەسیش چاک بوونەتەوە.

کۆدی هەواڵنێر: 60113