بەپێی هەواڵی کوردپرێس، مەلا ناسر ئەندامی پەرلەمانی کوردستان لەمیانی نووسینێک دەڵێت: لە ئێستادا قەیرانێکی سەخت بەرۆکی هەرێمی کوردستانی گرتووە، و حکوومەتی هەرێمیش هیچ پلانێکی بۆی نەبووە و تا ئێستاش وا نابیندرێت هیچ پلانێکی هەبێت.

ناوبراو هەروەها دەڵێت: هەڵبەت زەرەر مەندی یەکەم مووچە خۆران و خەڵکی کەم دەرامەتن. حکوومەت ناتوانێ بە ٢ مانگیش نیو مووچە دابین بکات بۆیە پێویستە پلانی خێرا و بەدیل دابرێژێت، و وەلە سەرەوە دەست پێ بکات بۆ خوارەوە بۆ ئەوەی ھیچ نەبێ بتوانێ مووچە لە کاتی خۆیدا بدات.

پێشنیازەکانی ئەو پەرلەمانتارە بۆ بچووکردنەوەی حکوومەتی هەرێم:

‏‎یەکەم: حکوومەتی هەرێم پەلە بکات لە بچوک کردنەوەی حکوومەت و چەند وەزارەتێک بکات بە یەک و هەیکەلی وەزارەتەکان و سەرجەم کابینەکە بگۆڕێت.

‏‎١- ئەنجومەنی وەزیران پێکبێت لە سەرۆکی ئەنجومەن و جێگرەکەی لەگەڵ ٧ وەزارەت.

٢- خانەنشین کردنی ئەوانەی تەمەنی یاساییان هەیە، و کەم کردنەوەیان بە گوێرەی پێویستی.

‏‎٣- وەزارەتەکانی خوێندنی باڵا، پەروەرە و ڕۆشنبیری بکرێت بە یەک وەزات.

‏‎٤- وەزارەتەکانی تەندروستی و کاروباری کۆمەڵایەتی بکرێن بە یەک وەزارەت.

‏‎٥- وەزارەتەکانی ئاوەدان کردنەوە و کوشتوکاڵ و شارەوانی بکرێت بە یەک وەزارەت.

‏‎٦-وەزارەتی ناوخۆ وەکوو خۆی بمێنێتەو.

‏‎٨- وەزارەتەکانی پێشمەرگە و شەهیدان بکرێن بە یەک وەزارەت.

‏‎٩- هەموو وەزارەتەکانی هەرێم بکرێن بە یەک وەزارەت.

١٠- سەرجەم دەستەکانیش لە چوارچێوەی وەزارەتەکان دابەش بکرێن و هەڵبوەشێنەوە.

‏‎دووەم:‎ پەرلەمانی کوردستان لە ١١١ پەرلەمانتارەوە بکرێت بە ٥١ پەرلەمانتار ڕێژەی بۆ دابنرێت بە پێی پارێزگا و ئیدارە سەرباخۆکان، ٦٠ ئەندان پەرلەمان خانەنشین بکرێت بە پێی یاسا.

‏‎ھەموو ڕاوێژکارەکانی پەرلەمان کەم بکرێتەوە بۆ ٥ ڕاوێژکار،ئەگەر ھەموو ئەو ڕاوێژکارانە ھەن بۆ ئێستا ھەرێمی کوردستان کەوتوەوەتە ئەم قەیرانەوە!؟

‏‎سێیەم:‎ پێشنیار دەکەم لە ھەموو وەزارەتەکان ٥٠٠٠٠ ھەزار فەرمانبەر خانەنشین بکرێن بەتایبەتی وەزارەتی ناوخۆ و پێشمەرگە بە مەرجێک ٦٠٠٠٠٠ ھەزار کەمتر مووچە وەرنەگرن.

‏‎ھەروەھا کەم کردنەوەی سەرچەم ڕوێژکارەکانی حکوومەت و بەڕێوبەرە گشتیەکان لە سەرجەم وەزارەتەکان، بۆ ئەوەی مووچەخۆران لە دڵەڕاوکێی مووچە بکەون و پێویست دەکات بە کەم کردنەوەی کرێ خانوو و نرخی سووتەمەنی دابەزاندنی نرخی شتومەک، پێویستە حکوومەت پلانی خێراو باش دابنێت بۆ ئەوەی لەوە زیاتر قەیرانەکان قووڵ نەبنەوە خەلک برسی نەبێت.

کۆدی هەواڵنێر: 60113