کوردپرێس:

ڕۆژنامەی سەباحی تورکی ڕایگەیاند کۆمپانیای نەوتی TÜPRAŞ، گەورەترین کۆمپانیای نەوتی تورکیا کە زیاترین هەوردەی نەوتی لە ئێرانەوە دەکرد وتوویەتی لە مانگی ئایارەوە ڕێژەی هاوردە کردنی نەوتی لە ئێرانەوە کەم کردۆتەوە.

کەم کردنەوەی ڕێژەی هاوردە کردنی نەوتی ئێران لەلایەن کۆمپانیای TÜPRAŞ لە کاتێکدایە کە ێرانییەکان دەڵێن هۆکاری ئەو کەم کردنەوەیە دەگەڕێتەوە بۆ گامرۆ ئابوورییەکەی ئەمریکا دژ بە ئێران.

ئەوەش لە کاتێکدایە کۆمپانیای نەوتی TÜPRAŞ ئەو ئیدعایانە ڕەت دەکاتەوە و دەڵێت: کۆمپانیاکە لە چوار مانگی یەکەمی ساڵی 2018دا ڕۆژانە 187 هەزار و 196 بەرمیل نەوتی لە ئێرانەوە هاوردە کردووە و تەنها لە مانگی نیسانی ئەمساڵدا ڕێژەی هاوردە کردنی نەوتی ئێران ڕۆژانە دەگەیشتە 240 هەزار بەرمیل.

تورکیا یەک لە یەکەم وڵاتەکان بوو کە گەمارۆ ئابوورییەکانی دژ بە ئێرانی ئیدانە کرد.