بەپێی هەواڵی کوردپرێس، جەنەراڵ جەیمس جارارد، فەرماندەی گشتیی ئۆپەراسیۆنە تایبەتەکانی هاوپەیمانان رایگەیاندووە: "داعش چیدیکە هیچ پەناگایێکی ئارامی لە عێراقدا نییە و کاری هاوبەشی نێوان هێزە عێراقییەکان، لە نێویاندا پێشمەرگە بە پاڵپشتیی هاوپەیمانان بووە هۆی ئەوەی پەناگەی ئارامی داعش لە ناوچە شاخاوییەکانی مەخموور نەهێڵدرێت".

جەنەراڵ جەیمس جارارد رایگەیاندووە: "هێزە هاوبەشەکان بە باشیی راهێندراون و بەردەوام دەبن لە دۆزینەوە و سڕینەوەی داعش لە هەر شوێنێک. ئەم ئۆپەراسیۆنە دەیسەلمێنێت داعش توانای خۆشاردنەوەی نییە".

رۆژی دووشەممە 16-7-2018 پێشمەرگە و هێزەکانی هاوپەیمانان لە چیای قەرەچووغی نزیک مەخموور ئۆپەراسیۆنێکیان بۆ سەر داعش ئەنجام دا، کە تێدا 14 چەکداری داعش کوژران و پێنج پێشمەرگەش شەهید بوون.

سەرچاوە: ڕووداو

کۆدی هەواڵنێر: 60113