کوردپرێس:

سامر حسێنی لەو بارەیەوە بە ڕادیۆ مەربەدی عێراقی وتووە بۆ لیوای بەرپەرچدانەوەی خێرای بەسرە شانازییە کە پارێزگاری لە ئاسایشی هاووڵاتییان و تەنانەت خۆپیشاندەرانی ئەو پارێزگایە بکات. بۆیە هەوڵ دەدەین ئەو کەسانەی بەنیازن ئاسایشی پارێزگاکە تێک بدەن بناسین.

ناوبراو هیوای ئەوەشی خواست لیوای بەرپەرچدانەوەی خێرای عێراق بتوانێت ببێتە سەرمەشقێک بۆ سەروەر کردنی نەزم و ئاسایش و پاراستنی یاسا لە ێعراق.

حسێنی داوای لە هاووڵاتیانی بەسرە کرد ڕێگری بکەن لە دزە کردنی ئاژاوەگێڕان بۆ نێو خۆپیشاندەران و گوتیشی هاووڵاتییانی بەسرە مافی خۆیانە خۆپیشاندان بکەن بۆ داواکردنی مافی ڕەوای خۆیان چوونکە ئەو پارێزگایە سەرچاوەیێکی سەرەکیی داهاتە لە عێراق.