کوردپرێس:

عەباس جەعفەری دەوڵەت ئابادی داواکاری گشتیی شاری تاران ڕۆژی شەممە لە شەشەمین دانیشتنی داواکاری گشتی لە ساڵی نوێی هەتاوی تیشکی خستە سەر ئەو هێرشەی تیرۆریستانی داعش لە ساڵی ڕابردوودا کردیانە سەر پەڕلەمانی ئێران و مەزارگەی ئیمام خومەینی و وتیشی 16 ژنیان دەستبەسەر کردووە کە تۆمەتی هاوکاری کردنی داعشیان لە پاڵدایە.

ناوبراو زیادی کرد: کەسانی دیکەش پێوەندییان بەو 8 کەسەوە بوو کە هێرشە تیرۆریستییەکەیان ئەنجام دابوو هەر لەو بارەشەوە چەند کەسێک دەستبەسەر کراون.

جەعفەری دەوڵەت ئابادی گوتیشی 16 کەس کە دەستبەسەر کراون پلانیان دانابوو بۆ ئەنجامدانی 4 هەڵمەتی تیرۆریستی بەڵام پووچەڵ کرایەوە.