به‌پێی هه‌واڵی کوردپرێس، ڕۆژی یه‌کشه‌ممه 1ی ته‌مووز هه‌ریه‌که له فراکسیۆنه‌کانی یه‌کێتی و گۆران و کۆمه‌ڵ و یه‌کگرتوو بۆ گفتوگۆکردن له‌سه‌ر ئاماده‌کارییه‌کان بۆ هه‌ڵبژاردنی په‌رله‌مانی کوردستان و چۆنێتیی پاکسازی له تۆماری ده‌نگده‌ران داوایان له په‌رله‌مان کرد که کۆمیسیۆنی باڵای سه‌ربه‌خۆی هه‌ڵبژاردن و ڕاپرسیی هه‌رێم بانگهێشتی په‌رله‌مان بکات.
ئه‌و په‌رله‌مانتارانه ده‌یانه‌وێت بزانن تا چه‌ند کۆمیسیۆن ئاماده‌کاری بۆ هه‌ڵبژاردنه‌کانی په‌رله‌مانی کوردستان کردوووه که وابڕیاره له ٣٠ی ئه‌یلوولدا به‌ڕێوه بچێت و هه‌روه‌ها شێوازی ئاماده‌کارییه‌کانی کۆمیسیۆن بۆ هه‌ڵبژاردنی په‌رله‌مانی کوردستان و شێوازی پاککردنه‌وه‌ی لیستی ده‌نگده‌ران له ده‌نگی مردوو و لێکچوو بزانن.
ئه‌وه‌ش دوای ئه‌وه دێت که بڕیاره له ٣٠ی ئه‌یلوولی داھاتوودا ھه‌ڵبژاردنی په‌رله‌مانی کوردستان به‌ڕێوه بچێت.
سه‌رچاوه: شارپرێس
کۆدی هه‌واڵنێر: 60103
Your Comment