بەپێی هەواڵی کوردپرێس، دەستەی دادوەری لە بەیاننامەیێكدا رایگەیاند: بڕیاری كۆمسیۆن بۆ ئەژماركردنەوەی دەنگی ئەو سندووقانەی سكاڵایان لەسەرە بەشێوەی دەستی پەسەندە.

دەستەكەی راشیگەیاندووە كۆمسیۆن دەتوانێت، دەنگی تەنیا ئەو سندووقانەی هەڵبژاردن ئەژمار بكاتەوە، سكاڵایان لەسەرە و دەنگی سندووقەكانی تریش، كە سكاڵایان لەسەر نییە وەک ئەوەی راگەیەنراوە، پەسەند بكات.

هەڵبژاردنی پەرلەمانی عێراق لە 12ی ئایاری رابردوو بەرێوەچوو، كە بەهۆی گومانی "ساختەكاری" پەرلەمان بڕیاری داوە دەنگی ئەو هەڵبژاردنە بەدەست ئەژمار بكاتەوە، كە پێشتر تەنیا بەشێوەی ئەلیكترۆنی ئەژماركرابوون.

كۆمسیۆن دوای بڕیاركەی پەرلەمان بڕیاریدا تەنیا دەنگی ئەو سندووقانە ئەژمار بكاتەوە لەلایەن لیستە بەشداربووەكانی هەڵبژاردن، سكاڵایان لەسەر تۆماركراوە.

سەرچاوە: شارپرێس

کۆدی هەواڵنێر: 60113