بەپێی هەواڵی کوردپرێس، ئەكرەم ئەحمەد، بەڕێوەبەری گشتیی بەنداوەكانی هەرێم بە SNNی راگەیاند: لە كۆبوونەوەكەدا سەرۆک وەزیرانی عێراق بڕیاریدا بە پێكهێنانی دوو لیژنەی دانووستان لەسەر ئاستی هەردوو وەزارەتی دەرەوە و سەرچاوەكانی ئاو، بۆ ئەوەی بەزووترین كات سەردانی ئێران و توركیا بكەن و داوای پشكی ئاوی عێراق بكەن.

ئەكرەم ئەحمەد وتیشی: "هەر لیژنەیێک پێكبهێنرێت، نوێنەری حكوومەتی هەرێمی تێدایە دەبێت".

سەبارەت بەهەڵوێستی حكوومەتی عێراق لەبارەی دروست كردنی بەنداوی بێخەمە لە هەرێمی كوردستان، ئەكرەم ئەحمەد رایگەیاند: بەهۆی رازی نەبوونی حكوومەتی هەرێم، بەغدا لە ساڵی 2008ەوە وازی لە دروست كردنی ئەو بەنداوە هێناوە و چیتر گفتوگۆی لەسەر ناكات و لەم كۆبوونەوەیەشدا باس نەكرا.

کۆدی هەواڵنێر: 60113