بەپێی هەواڵی کوردپرێس، فەخرەدین کۆجا، وەزیری تەندروستی تورکیا لە کۆنگرەیێکی رۆژنامەوانیدا رایگەیاند: لە ماوەی 24 کاتژمێری رابردوودا 16 هەزار و 160 کەس پشکنینی کۆرۆنایان بۆ ئەنجامدراوە و لەو ژمارەیەش 2 هەزار و 786 کەس ئەنجامەکانیان پۆزەتیڤ دەرچوە و هەڵگری ڤایرۆسەکە بوون.

کۆجا سەبارەت بە ژمارەی مردوان ئەوەشی خستەڕوو، لە ماوەی 24 کاتژمێری رابردودا 69 تووشبوو گیانیان لەدەست داوە، بەوەش ژمارەی ئەوانەی گیانیان لەدەست دا بۆ 425 کەس بەرزبوەتەوە.

ژمارەی تووشبووانی ڤایرۆسی کۆرۆنا لە تورکیا هاوشێوەی وڵاتانی دیکەی ئەورووپا بە خێرای بەرزدەێتەوە، تا رێکەوتی 10ی مانگی رابردوو هیچ تووشبوویێک لە تورکیا تۆمار نەکرابوو و ئێستا ژمارەی تووشبووان گەیشتە 20هەزار و 921 کەس.

دوای تێپەڕبونی سێ هەفتە لە یەکەم حاڵەت لە کۆی 141 هەزار و 716 کەسی پشکنراو ئەنجامی 20هەزار و 921 کەسیان پۆزەتیڤ دەرچووە و هەڵگری ڤایرۆسەکەن، لەو ژمارەیەش تەنها 484 تووشبوو ڤایرۆسەکەیان پەڕاندووە و چاک بوونەتەوە.

کۆدی هەواڵنێر: 60113