کوردپرێس:
ئێواره‌ی ڕۆژی دووشه‌ممه 30ی مارچی 2020 وه‌زاره‌تی ده‌ره‌وه‌ی عێراق له به‌یاننامه‌یێکدا ڕای‌گه‌یاند که محه‌مه‌د عه‌لی حه‌کیم وه‌زیری ده‌ره‌وه‌ی عێراق په‌یوه‌ندییێکی ته‌له‌فۆنی له‌گه‌ڵ مه‌ولوود چاووشئۆغڵۆ وه‌زیری ده‌ره‌وه‌ی تورکیا ئه‌نجام داوه و له په‌یوه‌ندییه ته‌له‌فۆنییه‌که‌دا دوو لایه‌ن ڕێککاره‌کانی به‌رزکردنه‌وه‌ی دوورنواڕی هاوکاریی دوولایه‌نه و هه‌ماهه‌نگیی ستراتێژیکیی نێوان دوو وڵات له به‌رانبه‌ر پرسه هه‌رێمی و نێوده‌وڵه‌تییه‌کانیان تاوتوێ کرد.
هه‌روه‌ها له په‌یوه‌ندییه ته‌له‌فۆنییه‌که‌دا هه‌ر دوو وه‌زیری ده‌ره‌وه‌ی عێراق و تورکیا دواهه‌مین دۆخی ئه‌منیی ناوچه‌که و ڕێوشوێنی دوو وڵات بۆ ڕووبه‌ڕووبوونه‌وه‌ی په‌تای کۆڤیدی-19یان خسته به‌ر باس و لێکدانه‌وه.
له به‌یاننامه‌که‌دا ئه‌وه‌ش هاتووه که جارێکی‌تر حه‌کیم له گفتوگۆ له‌گه‌ڵ چاووشئۆغڵۆ ته‌ئکیدی له‌سه‌ر ڕاگۆڕینه‌وه و هه‌ماهه‌نگیی هه‌ڵوێستی دوو وڵات له به‌رانبه‌ر پرسه گرنگه‌کان کرده‌وه.
سه‌رچاوه: هه‌واڵده‌ریی به‌غداد ئه‌لیه‌وم
کۆدی هه‌واڵنێر: 60103
Your Comment