کوردپرێس:
ڕۆژی هه‌ینی 27ی ئاداری 2020 باڵیۆزخانه‌ی ئه‌مریکا له به‌غدا له ڕاگه‌یێندراوێکدا بڵاوی کرده‌وه: به‌هۆی بارودۆخی ئه‌منی و هه‌روه‌ها قه‌ده‌خه‌ی گه‌شتکردن به‌هۆی بڵاوبوونه‌وه‌ی په‌تای کۆڤید- 19، وه‌زاره‌تی ده‌ره‌وه‌ی ئه‌مریکا فه‌رمانی به کارمه‌نده‌کانی له باڵیۆزخانه‌که‌ی له به‌غدا و هه‌روه‌ها کۆنسووڵخانه‌که‌ی له هه‌ولێر و سه‌نته‌ری دیپلۆماسی له به‌غدا کردووه بگه‌ڕێنه‌وه بۆ وڵاته‌که‌یان.
باڵیۆزخانه‌ی ئه‌مریکا سه‌باره‌ت به خزمه‌تگوزارییه‌کان ڕای‌گه‌یاند: "له‌و ماوه‌یه‌دا خزمه‌تگوزارییه‌کانی پێدانی ڤیزه به هه‌ڵپه‌سێردراوی ده‌مێنێته‌وه و هاوکات ئاستی پێشکه‌شکردنی خزمه‌تگوزارییه‌کانی بۆ هاووڵاتییانی ئه‌مریکا له عێراق سنووردار ده‌کات."
له ڕاگه‌یێندراوه‌که‌دا ئاماژه به‌وه‌ش دراوه که باڵیۆزخانه‌ی ئه‌مریکا خزمه‌تگوزارییه گشتییه‌کانیشی وه‌ستاندووه و ناونیشانی دوو ئیمه‌یلی داناوه بۆ ئه‌و ئه‌مریکییانه‌ی له عێراق و هه‌رێمی کوردستانن بۆ ئه‌وه‌ی له کاتی پێویست په‌یوه‌ندییان پێوه بکه‌ن.
کۆدی هه‌واڵنێر: 60103
Your Comment