بەپێی هەواڵی کوردپرێس، ئیدارەی تەندروستیی ناوچەی فۆرات ڕۆژی چوارشەممە 25ی مارس ناوەندێکی کاتیی لە شاری کۆبانی لەژێر نای "ناوەندی تەندروستیی مشتەنوور"بۆ چاودێری کردن نەخۆشیە لەناکاوەکان کردەوە.

"محەمەد کوردی" بەڕێوەبەری ناوەندی تەندروستیی مشتەنوور لەمبارەوە بە کوردپرێسی وت: ئەم ناوەندە کە بە دە قەرەوێڵ و یەک ئامێری هەناسەدانی دەستکرد و هەشت ئامبۆڵانس و 25 کادێری پزیشکی تەیار کراوە بۆ چارەسەر کردنی نەخۆشانی کۆرۆنا ڤایرۆس و نەخۆشیە لەناکاوەکان لە کۆبانی کراوەتەوە.

ناوبراو زیادی کرد لە ئێستادا کە بە هۆی کۆرۆناوە لە دۆخێکی مەترسیدارداین ئەم ناوەندە دەتوانێت یارمەتیێکی زۆری دۆخی تەندروستی شارەکەمان بدات.

کۆدی هەواڵنێر: 60113