کوردپرێس:
ئێواره‌ی ڕۆژی سێشه‌ممه 24-3-2020 مه‌سروور بارزانی سه‌رۆکی حکوومه‌تی هه‌رێمی کوردستان و مارشال بیلینگسلی یاریده‌ده‌ری وه‌زیری گه‌نجینه‌ی ئه‌مه‌ریکا تایبه‌ت به ڕووبه‌ڕووبوونه‌وه‌ی پاره‌دارکردنی تیرۆر په‌يوه‌ندییێکی ته‌له‌فۆنیان ئه‌نجام دا و له په‌یوه‌ندییه‌که‌دا گفتوگۆ ده‌رباره‌ی په‌ره‌پێدانی په‌یوه‌ندییه‌کانی نێوان هه‌رێمی کوردستان و ویلایه‌ته یه‌کگرتووه‌کانی ئه‌مه‌ریکا کرا.
له په‌یوه‌ندییه ته‌له‌فۆنییه‌که‌دا مه‌سروور بارزانی تیشکی خسته سه‌ر ئه‌و ڕێکارانه‌ی بۆ ڕووبه‌ڕووبوونه‌وه‌ی ڤایرۆسی کۆرۆنا له هه‌رێمی کوردستان گیراونه‌ته‌به‌ر و میکانیزمه‌کانی هاوکاریکردنی هه‌رێم له لایه‌ن ئه‌مه‌ریکاوه.
له درێژه‌دا سه‌رۆکی حکوومه‌تی هه‌رێمی کوردستان ئاماژه‌ی به گرنگیی به‌رده‌وامبوون له‌سه‌ر کارنامه‌ی چاکسازیی کابینه‌ی نۆیه‌می حکوومه‌تی هه‌رێمی کوردستان و گه‌شه‌پێدانی وه‌به‌رهێنانی ئه‌مه‌ریکی له هه‌رێمی کوردستان دا.
سه‌رچاوه: K24
کۆدی هه‌واڵنێر: 60103
Your Comment