کوردپرێس:

ڕۆژی پێنجشەمە 22ی ڕەشەمەی 1398 کیانووش جەهانپوور بەرپرسی پەیوەندییه گشتییەکان و راگەیاندنی وەزارەتی تەندروستیی ئێران له کۆنفڕانسێکی ڕۆژنامەوانیدا دوایین ئاماری تووشبووان و قوربانیانی کۆرۆنای لەم وڵاته ئاشکرا کرد.

جەهانپوور گوتی: "له دوێنێوه تاکوو ئەمڕۆ 1075 تووشبوو به ڤایرۆسی کۆرۆنا زیاد بووه و ژمارەکەی گەیشته 10هەزار و 75 تووشبوو.

جەهانپوور گوتیشی: هەر له 24 کاتژمێری رابردوو 75 کەس بەم نەخۆشییه گیانیان لەدەست داوه و ژمارەی قوربانیان گەیشتۆته 429 کەس.

بەرپرسی پەیوەندییه گشتییەکان و راگەیاندنی وەزارەتی تەندروستیی ئێران ئاشکراشی کرد: تاکوو ئێستا 3 هەزار 276 کەسیش لەم ڤایرۆسه ڕزگاریان بووه و چاک بوونەتەوه.

کۆدی هەواڵنێر: 60101