بەپێی هەواڵی کوردپرێس، حکوومەتی هەرێمی کوردستان لە کۆبوونەوەی ئەمڕۆی لیژنەی رووبەڕووبوونەوەی کۆرۆنا بڕیاری دا هاتووچۆی هاووڵاتییان لەنێوان پارێزگاکانی هەرێمی کوردستان جگە لە تیمەکانی تەندروستی، دیپلۆماسی، رێکخراوەکان و ئاژانسەکانی نەتەوە یەکگرتووەکان و هێزە ئەمنییەکان لە 14-3-2020 تاوەکوو 28-3-2020 رابگیرێت.
وه‌زاره‌تی ناوخۆی هەرێمی کوردستان راشیگه‌یاندووه، رۆژی 16 ی ئادار دوایین واده‌یه بۆ گه‌ڕانه‌وه ئه‌و هاوڵاتیانه‌ی هه‌رێم كه له ئێرانن و له 17 ی ئاداره‌وه تا 1 ی نیسان هاوڵاتیان ناتوانن بگه‌ڕێنه‌وه.
ئه‌وه‌شی خستوه‌ته‌ڕوو، كه جموجۆڵی بازرگانی له ده‌روازه سنووریه‌كانی په‌روێزخان، باشماخ و حاجی ئومه‌ران سنووردار ده‌كرێت.
وه‌زاره‌تی ناوخۆ باسی له‌وه‌شكردووه، كه له گه‌شته‌كانی نه‌ورۆزدا نابێت له یه‌ک خێزان زیاتر له شوێنێكدا كۆ ببنه‌وه.
کۆدی هەواڵنێر: 60113
Your Comment