به‌پێی هه‌واڵی کوردپرێس، له درێژه‌ی هێرش‌کردنه سه‌ر ناوه‌ندی هه‌ڵبژاردنی پارتی دیموکراتیکی گه‌لان ئه‌م جاره له ناوچه‌ی خه‌لیلییه‌ی پارێزگای شانلی ئۆرفا گرووپێکی نه‌ته‌وه‌خوازی تورک هه‌ڵیانکوتایه سه‌ر میتینگی هه‌ڵبژاردنی HDP و ئاڵاکانی ئه‌و حیزبه‌یان سووتاند و خه‌سارێکی زۆریان له‌و ناوه‌نده دا.
ئه‌و گرووپه هه‌ڕه‌شه‌یان له ئه‌ندامانی ناوه‌ندی پارتی دیموکراتیکی گه‌لان کرد و ڕایان‌گه‌یاند: ئێوه له چیاکان ده‌نێژین. ئیزن ناده‌ین بانگه‌شه بۆ گرووپه تیرۆریستییه‌کان بکه‌ن. ئه‌و گرووپه به سه‌رهه‌ڵدانی هه‌ندێک دروشم وه‌ک "چ خۆشحاڵه که‌سێک که ده‌ڵێت تورکم" ئاڵای پارتی دیموکراتیکی گه‌لانیان سووتاند و دواتر په‌رته‌وازه بوون.
سه‌رچاوه: هه‌واڵده‌ریی Mezopotamya
کۆدی هه‌واڵنێر: 60103
Your Comment