کوردپرێس: وەزارەتی تەندروستیی هەرێم لە راگەیەندراوێكدا ئاماژەی بەوەكردووە، لەپێناو بەرژەوەندیی گشتی بۆ رێگە گرتن لە بڵابوونەوەی نەخۆشی ڤایرۆسی کۆرۆنای نوێ (COVID-19) و دوابەدوای بڕیارەکانی بەرێوەبەرایەتییە گشتییە تەندروستییەکانی پارێزگاکان، بڕیارمان دا بە قەدەغەکردنی تەواوی سەردان کردنی هاووڵاتییان بۆ نەخۆشخانەکان و سەنتەرەکان لەکەرتی گشتی و تایبەت نەخۆشخانەکانی حکوومی و ئەهلی.

دەقی ڕاگەیەندراوەکە:

لەپێناو بەرژەوەندیی گشتی بۆ رێگە گرتن لە ترسناکیی بڵابوونەوەی نەخۆشی ڤایرۆسی کۆرۆنای نوێ (COVID-19) و دوابەدوای بڕیارەکانی بەرێوەبەرایەتییە گشتییە تەندروستییەکانی پارێزگاکان، بڕیارماندا بە:

1- قەدەغەکردنی تەواوی سەردان کردنی هاووڵاتییان بۆ نەخۆشخانەکان و سەنتەرەکان لەکەرتی گشتی و تایبەت (نەخۆشخانەکانی حکوومی و ئەهلی).

2- دەبێت لە قاوشی نەخۆشخانەکان نەخۆش تەنها یەک هاوەڵی زیاتری لەگەڵدا نەبێت و لەبەشەکانی چاودێری چڕ پێویست بەبوونی هاوەڵی نەخۆش ناکات.

هیوادارین هاووڵاتییان پابەندی بڕیار و رێنماییەکانی وەزارەتی تەندروستی بن بۆ پاڵپشتی هەموو لایێک لە کۆنتڕۆڵ کردنی بڵاوبوونەوەی ئەم نەخۆشییە.

کۆدی هەواڵنێر: 60113