کوردپرێس:

کەمال خەڕازی بەرپرسی ئەنجومەنی ستراتیژی پەیوەندییەکانی دەرەوەی ئێران ڕایگەیاند، ئێران هەموو کات جەختی لەوە کردووەتەوە کە ئاسایش و سەقامگیریی ڕۆژهەڵاتی ناوەڕاست تەنیا لە ڕێگای وڵاتانی ناوچەکەوە دابین دەکرێت.

خەڕازی وتیشی”بەردەوام ئامادەی دانوستانین لەگەڵ بەرپرسانی سعوودیە، بەڵام ئەوان بڕیار بەدەست نین و بەرژەوەندییەکانی ئەمریکایان بە لاوە گرنگە، ئەمریکییەکان موڵەتی بڕیاردان بە سعودیە نادەن”.

ناوبراو ئاشکراشی کرد، زیاتر لە چوار ساڵ شەڕی یەمەن ئەوەی سەلماندووە کە کێشەکانی سعوودیە و ئیمارات بە شەڕ چارەسەر ناکرێت، بەڵکوو دەبێت بە بێ دەستێوەردانی دەرەکی، داواکارییەکانی گەلی یەمەن ڕەچاو بکرێن و دەرفەتی پێکهێنانی حکوومەتێک بەپێی ئیرادەی خەڵک بەو وڵاتە بدرێت.