کوردپرێس:
شارەوانیی ئەستەنبوڵ لە پڕۆژەیێکی فەرهەنگیی خۆیدا بڕیاری دانانی خولی فێرکاریی زمانی کوردیی لەو گەورەشارەی تورکیا داوە.
هاووڵاتییان پێشوازیی بەرچاویان لە پڕۆژەکە کردووە و لەگەڵ دەستپێکی ناوتۆمارکردن بۆ ئەو خولە فێرکارییە زیاتر لە 700 کەس ناویان تۆمار کردووە.
شارەوانیی گەورەشاری ئەستەنبوڵ لەو بارەیەوە وتوویەتی: "ژمارەی خوازیارانی فێربوونی زمانی کوردی زۆر زیاتر لەوەیە کە چاوەڕوانمان دەکرد چوونکە ئێمە تەنها دوو مامۆستامان بە دەستەوەیە ئەوەش لە کاتێکدایە زیاتر لە 700 کەس ناویان تۆمار کردووە.
ئەرکی خولی فێرکاریی زمانی کوردی لە سەر شانی سەنتەری هونەر و پیشەی شارەوانیی ئەستەنبوڵە و شارەوانییەکە ئەوەشی ڕاگەیاندووە کە بەنیاز مامۆستای نوێ بۆ ئەو مەبەستە دابمەزرێنن.
Your Comment