کوردپرێس:

میدیاکانی تورکیا دەڵێن تاوەکو ئێستا 38 کەس بەهۆی بوومەلەرزەکەی کوردستانی تورکیاوە گیانیان لەدەست داوە، بەڵام وەزیری ناوخۆی تورکیا رایگەیاند، ئەو کەسانەی بەهۆی بوومەلەرزەکەوە گیانیان لەدەست داوە گەیشتووەتە 36 کەس.

بەگوێرەی ئاماری تیمەکانی فریاگوزاری، 72 باڵەخانە ڕووخاون و 514 باڵەخانەش زیانی زۆریان بەرکەوتووە، تاوەکوو ئێستاش 45 کەس لەژێر داروپەردووی باڵەخانەکان ڕزگار کراون و زیاتر لە هەزار و 600 برینداریش هەن.

ئێوارەی رۆژی هەینی 24ی کانوونی دووەمی 2020، بوومەلەرزەیەک بە گوڕی 6.8 پلە بەپێوەری رێختەر لە کوردستانی تورکیا ڕووی دا، هەر لەکاتی بومەلەرزەکەوە گەڕان و پشکنینی تیمەکان بۆ رزگارکردنی خەڵک لە خارپێت و مەڵەتی دەستی پێکردووە کە زۆرترین زیانی گیانی و ماددییان بەرکەوتووە.