به‌پێی هه‌واڵی کوردپرێس، سادق له‌بان به‌ ڕادیۆ "المربد"ی عێراقی ڕاگه‌یاندوووه‌ ئێستا ژماره‌یێک له‌ سیاسه‌توانانی عێراق هه‌وڵی جیدی ده‌ده‌ن بۆ چاره‌سه‌ر کردنی ناکۆکیی نێوان نووری مالیکی سه‌رکرده‌ی هاوپه‌یمانیی ده‌وڵه‌تی یاسا و موقته‌دا سه‌در سه‌رۆکی ڕه‌وتی سه‌در و هیوای خواست که‌ ئه‌و هه‌وڵانه‌ پڕۆسه‌ی پێکهێنانی ده‌وڵه‌تی داهاتووی عێراق خێراتر بکاته‌وه‌.

ناوبراو ئاماژه‌ به‌وه‌ش ده‌دات که‌ به‌شداریی حه‌یده‌ر عه‌بادی سه‌رۆک وه‌زیران و سه‌رۆکی هاوپه‌یمانیی نه‌سر له‌ کۆبوونه‌وه‌ی هاوپه‌یمانێتییه‌ سیاسییه‌کان ده‌ستپێکی پێکهێنانی ده‌وڵه‌تی داهاتوو و دیاری کردنی سه‌رۆک وه‌زیرانی نوێی عێراق ده‌بێت و ڕای‌ده‌گه‌یێنێت: عه‌بادی سه‌ره‌کیترین کاندیده‌ بۆ وه‌رگرتنی پۆستی سه‌رۆک وه‌زیرانی داهاتووی عێراق.

کۆدی هه‌واڵنێر: 60103