به‌پێی هه‌واڵی کوردپرێس، عەمار حەکیم لە وتاری نوێژی جەژن کە لە ناوچە شیعه‌کانی عێراق بەرێوەچوو گوتی پەرلەمانی عێراق بە هەموارکردنی یاسای هەڵبژاردن کە گومانی نادەستووری بوونی لەسەرە قەیرانەکەی ئاڵۆزتر کردوووە و هەنگاوی هەڕەمەکی ناوە.

عه‌مار حه‌کیم سێ پێشنیازی بۆ چارەسەری قەیرانەکە خستەڕوو کە بریتین لە:

یەکەم: هەڵوەشاندنەوەی هەمواری یاسای هەڵبژاردن لەلایەن دادگای فیدڕاڵییەوە

دووهه‌م: بەراوردکردنی لەسەدا 10ی دەنگەکان لە ڕێی دەستەی دادوەرییەوە

سێهەم: لێپرسینەوە لەو کەسانەی تێوەگلاون لە بەئامانج گرتنی خاوێنی هەڵبژاردنەکان، هەر کەسێک بن.

حەکیم ڕاشی‌گه‌یاند: عێراق بە قۆناخێکی سەختدا گوزەر دەکات و پێویستە هەموووان بە بەرپرسیارێتییەوە مامەڵە لەگەڵ پێشهاتەکاندا بکەین.

شایانی باسه‌؛ ڕۆژی 12ی ئایاری مانگی رابردوو ھەڵبژاردنی پەرلەمانی عێراق بەڕێوە چوو و دوای ئاشکرا کردنی ئەنجامەکانیش کاردانەوەی جیاوازی لێکەوتەوە کە خەریکە دۆخەکە بەرەو ئاقارێکی مەترسیدار بڕوات.

سه‌رچاوه‌: کوردستان TV

کۆدی هه‌واڵنێر: 60104