به‌پێی هه‌واڵی کوردپرێس، ئه‌رکانی فه‌رمانده‌ییی هێزه چه‌کداره‌کانی تورکیا له به‌یاننامه‌یێکی فه‌رمیدا ئاماژه‌ی داوه‌ته هێرشه ئاسمانییه‌کانی فڕۆکه‌کانی سوپای تورکیا بۆ سه‌ر چیای قه‌ندیل و ڕای‌گه‌یاندوووه: له هێرشی ئاسمانیی فڕۆکه‌کانی سوپای تورکیا که له ڕۆژی 15ی حوزه‌یرانی 2018 بۆ سه‌ر چیای قه‌ندیل و بنکه و بارگه‌کانی PKK ئه‌نجام دراوه 35 ئه‌ندامی په‌که‌که له‌و هێرشانه‌دا کوژراون.
شیاوی ئاماژه‌یه؛ هێرشه ئاسمانییه‌کانی سوپای تورکیا بۆ هه‌رێمی کوردستان له دوو حه‌فته‌ی ڕابردوودا چڕ کراوه‌ته‌وه و فڕۆکه‌کانی سوپای تورکیا به فڕین له سه‌ر ئاسمانی هه‌رێمی کوردستان چه‌ندین ناوچه‌ی قه‌ندیل، شه‌نگال، هاکۆرک، زاپ، متینا و ئاوشین-باسیانیان کردۆته ئامانج که به وته‌ی سه‌رچاوه خۆجێیییه‌کان له‌و هێرشانه‌دا نیشتنگه‌کان له لایه‌ن مووشه‌کی فڕۆکه‌کانی تورکه‌وه کراونه‌ته ئامانج.
سه‌رچاوه: NTV
کۆدی هه‌واڵنێر: 60104
Your Comment