بەپێی هەواڵی کوردپرێس کەیوان کاشفی سەرۆکی ژووری بازرگانیی پارێزگای کرماشان لەو بارەیەوە بە هەواڵنێرانی ڕاگەیاند بازرگانانی ناوچەکە دەتوانن سەردانی ژووری بازرگانی بکەن بۆ وەرگرتنی ڤیزە و دەست بکەن بە ئاڵوگۆڕ کردنی بازرگانی لەو دەروازە سنوورییەوە.

دەروازەی سنووری خەسرەوی لە مێژەوە لە نێوان ئێران و عێراقدا کراوەیە و بەهۆی نزیک بوونی لە بەغدا و شارە شیعەنشینەکان وەکوو کەربەلا، کازمین و سامڕا دەروازەیێکی ستراتیژییانەیە بۆ ئێران.

ئەو دەروازە فەرمییە تەنها 190 کیلۆمەتر لە بەغداوە دوورە و مەودای دەروازەکە تا نەجەف 380 کیلۆمەتر و تا کازمین 203 و تا کەربەلا 300 و تا سامڕا 326 کیلۆمەترە.

پارێزگای کرماشان دوو دەوازە سنووری فەرمی و هەرە گرینگی هەیە کە یەکیان دەروازەی پاروێزخانە کە دەروازەی نێوان ئێران و هەرێمی کوردستانە و ئەوی دیکەشیان دەروازەی خەسرەوییە کە سنووری هاوبەشی لەگەڵ عێراق و حکوومەتی ناوەند هەیە و لە شاری قەسرشیرینەوە 20 کیلۆمەتر دوورە.