به‌پێی هه‌واڵی کوردپریس، په‌روین بوڵدان هاوسه‌رۆكی پارتی دیموكراتی گه‌لان (هه‌ده‌په) له چوارچێوه‌ی كه‌مپه‌ینی هه‌ڵبژاردندا له شارۆچكه‌ی قۆسه‌ری پارێزگای ماردین ڕای‌گه‌یاند: له 24ی حوزه‌یراندا كه هه‌ڵبژاردنه‌كانی توركیایه سته‌مكار و سته‌ملێكراو له به‌رانبه‌ر یه‌كن و خه‌ڵكی توركیا سته‌مكار له ده‌سه‌ڵات ده‌خه‌ن.
هه‌روه‌ها وتیشی: ئاكه‌په 16 ساڵه سته‌م له كورد ده‌كات. ئه‌و پارته كه ئێستا ده‌سه‌ڵاتداری توركیایه هه‌رگیز ته‌نها شتێک بۆ داهاتووی كورد ناكات و ده‌بێت خۆمان مافه‌کانمان به ده‌ست بێنین.
هاوسه‌رۆكی هه‌ده‌په ئاماژه‌ی به‌وه‌ش كرد: ته‌نها له پارێزگای ماردین چاویان له بردنه‌وه‌ی 6 كورسیی په‌رله‌مانه و 24ی حوزه‌یران ڕۆژێكی مێژویی و سه‌ركه‌وتن ده‌بێت بۆ هه‌ده‌په.
سه‌رچاوه: KNN
کۆدی هه‌واڵنێر: 60103
Your Comment