بەپێی هەواڵی کوردپرێس، ڕۆژنامەی الحیاتی لەندەن لە ئەژماری ئەمڕۆ سێشەممەدا لە زاری ژمارەیێک لە ئەندامانی پلەبەرزی پارتی دیموکراتی کوردستانەوە ڕایگەیاند: مەسعوود بارزانی، سەرۆکی پارتی و سەرۆکی پێشووی هەرێمی کوردستان پێشنیاری پۆستی سەرۆک کۆماری عێراقی قبووڵ نەکردووە.
بەوتەی ئەندامانی باڵای پارتی دیموکراتی کوردستان کە ناویان نەدرکێندراوە، پێشنیاری سەرۆکایەتی کۆمار لە لایەن ئەندامانی ئەنجومەنی سەرۆکایەتیی ئەو پارتەوە لە دواهەمین کۆیوونەوەیاندا دراوە بەڵام مەسعوود بارزانی قبووڵی نەکردووە و جەختی کردووە کە بۆ دەستەبەر کردنی مافی کوردەکان و پارساتنی ئەو دەسکەوتانە هەوڵ دەدات نە پۆست و پێگە.
ئەوە لە حاڵێکدایە کە پێشتر ڕۆژنامەی «الحیات» باسی لە کاندید بوونی فواد مەعسووم و عەبدولەتیف ڕەشید بۆ وەدەستەوە گرتنی پۆستی سەرۆک کۆماری عێراق کردبوو.
کۆدی هەواڵنێر: 60113
Your Comment