به‌پێی هه‌واڵی کوردپرێس، عه‌لی شه‌مخانی سکرتێری ئه‌نجومه‌نی ئاسایشی نیشتمانیی ئێران له‌وباره‌یه‌وه به ڕۆژنامه‌ی شه‌رقی وتوووه: عه‌قڵییه‌تی سیاسیی پێکهاته مه‌رجه‌عه‌کانی عێراق باشترین پاڵپشته بۆ هه‌ڵبژاردنی دوو پۆستی سه‌رۆک کۆمار و سه‌رۆک وه‌زیرانی ئه‌و وڵاته و ئێرانیش له‌وباره‌یه‌وه هیچ تێبینییێکی نییه و هه‌موو ئه‌و ده‌نگۆیانه ڕه‌ت ده‌که‌ینه‌وه که باس له لیستێکی ئێران ده‌کات بۆ ئه‌و دوو پۆسته باڵایه‌ی عێراق.
ئه‌و ڕاوێژکاره‌ی ڕێبه‌ری باڵای ئێران زیاتر ده‌ڵێت: وڵاتی ئێران به‌رده‌وام له ماوه‌ی چوار ده‌یه‌ی ڕابردوودا سه‌لماندوویه‌تی پشتگیری له گه‌لی عێراق ده‌کات و زه‌مینه خۆشکه‌ره بۆ خه‌ڵک سالاری له‌و وڵاته و شه‌ڕی دژ به تیرۆر و دابین کردنی ئاسایشی گه‌لانی عێراق.
عه‌لی شه‌مخانی دووپاتی کرده‌وه بۆچوونه‌کان له‌سه‌ر لیستی پێشنیارکراوی ئێران بۆ دوو پۆستی باڵای حکوومی له عێراق پیلانی پیلانگێڕانه و هیچ بنه‌ما و ئه‌ساسێکی نییه و ئێران پێداگره له‌سه‌ر بڕیار و ئه‌نجامی ده‌رچووی داموده‌زگا و به‌رپرسی فه‌رمیی عێراقی.
سکرتێری ئه‌نجومه‌نی باڵای ئاسایشی نیشتمانیی ئێران هه‌ڵسه‌نگاندنێکی له نێوان ئێران و سعوودییه‌ش ئه‌نجام دا و گوتی: ژماره‌ی دیپلۆماته ئێرانییه‌کان له عێراق له چاو هێزی ئه‌مریکی و سعوودی زۆر که‌متره و ئه‌و یارمه‌تییانه‌ش ئێران له عێراق ئاراسته‌ی ده‌کات له چاو ئه‌و پاره زه‌به‌لاحه‌ی سعوودییه سه‌رفی کردوووه زۆر که‌م ده‌نوێنێت به‌ڵام ئه‌نجامه‌که وا ده‌رچوو چوونکه گه‌لی عێراق ئاسایش و ئاینده‌ی خۆیان به پاره‌ی پیس و به قازانجی ئه‌و هێزانه‌ی سه‌رده‌مێک هاوپه‌یمانی سه‌دام بوون ناگۆڕنه‌وه.
شه‌مخانی سه‌ره‌نجی خسته سه‌ر دوو لیستی براوه‌ی هه‌ڵبژاردنی په‌رله‌مانی عێراق و ڕای‌گه‌یاند: هه‌ر دوو لیستی سائیروون به سه‌رۆکایه‌تیی موقته‌دا سه‌در و لیستی فه‌تح به سه‌رۆکایه‌تیی هادی عامری دژ به سیاسه‌ته‌کانی ئه‌مریکان و ئه‌وه‌ش ده‌ستکه‌وتێکی گه‌وره‌ی ڕه‌وتی دژی هاوپه‌یمانیی ساخته‌ییی ئه‌مریکایه.
ناوبراو له به‌شێکی دیکه‌ی گفتوگۆکه‌ی ڕۆژنامه‌ی شه‌رقدا باسی ئاینده‌ی سووریاشی کردوووه و گوتوویه‌تی: ئێمه له‌سه‌ر داوای یاساییی ده‌وڵه‌تی سووریا له‌و وڵاته‌ین و وه‌کوو ڕاوێژکاری سه‌ربازی بۆ شه‌ڕی دژ به تیرۆر به شێوازی سنووردار ده‌ور ده‌گێڕین.
کۆدی هه‌واڵنێر: 60103
Your Comment