به‌پێی هه‌واڵی کوردپرێس، شێخ محه‌مه‌د مه‌هدی خالسی له وتاری نوێژی هه‌ینی شاری کازمییه له پارێزگای به‌غدا وتی: هاووڵاتییانی عێراق و سیاسه‌توانانی زانا و ڕێبه‌رانی ده‌بێ خۆیان به دوور بگرن له پرسی که‌لێن له کۆمه‌ڵگای عێراق و شڵه‌ژاوییه‌کانی پاش به‌ڕێوه‌چوونی هه‌ڵبژاردنی په‌رله‌مانی ئه‌م دواییه که ئێمه پێشتر له باره‌ی پاشهاته‌کانییه‌وه هۆشداریمان دابوو.
خالسی زیادیشی کرد: عێراق له هه‌ڵه‌کانی ڕابردووی خۆی بۆ چوونه‌ده‌ره‌وه له پرۆسه‌ی سیاسی عیبره‌تی نه‌گرتوووه که ته‌نها ڕه‌نج و ئازار و کێشه‌ی بۆ گه‌لی عێراق به‌دوادا بوو.
ناوبراو جه‌ختیشی کرده‌وه که بۆ وڵاتێک وه‌کوو عێراق به مێژووییێکی کۆن و ئیمکاناتی زۆری سروشتی و مرۆڤییه‌وه زۆر ناشیرینه که که‌مبوونی ئاو، کاره‌با و ده‌رمان و خۆراکی بێت و خه‌ڵکه‌که‌ی به بۆنه‌ی ئه‌و پێداویستییانه‌وه خۆپیشاندان ئه‌نجام بده‌ن.
سه‌رچاوه: هه‌واڵده‌ریی غه‌دپرێس
کۆدی هه‌واڵنێر: 60104
Your Comment