کوردپرێس: سایتی فەرمی بزووتنەوەی گۆڕان بڵاوی كردەوە، عومەر سەید عەلی، رێکخەری گشتیی بزووتنەوەی گۆڕان لەگەڵ ئەنجومەنی قەزای شارباژێڕی بزووتنەوەی گۆڕان كۆ بووەتەوە و پێیراگەیاندوون، دوای پەسەند کردنی بودجەی فیدراڵی 2021ی عێراق پێویستە هەرێمی کوردستان هەوڵی جدی بدات، بۆ نەهێشتنی پاشەکەوتی مووچە و دابەش کردنی لە وادەی خۆیدا.

بەپێی هەواڵەكە رێكخەری گشتیی بزووتنەوەی گۆڕان جەختی كردووەتەوە، بزووتنەوەی گۆڕان هەموو هەوڵێکی تیمەکانیان لە حکوومەت و پەرلەمان بە ئاڕاستەی چاكسازی دەبێت.

لە کۆبونەوەکەدا رێکخەری گشتیی بزووتنەوەی گۆڕان باسی لەوەش کرد، پێویستە هەڵسوڕاوانی قەزای شارباژێڕ لە ئێستاوە ئامادەکاری بکەن، بۆ سەرخستنی کاندیدانی بزووتنەوەکە لە هەڵبژاردنی پێشوەختەی عێراق.

کۆدی هەواڵنێر: 60113