بەپێی هەواڵی کوردپرێس ئەمیر عەباس جەعفەری بەرپرسی بەڕێوەبەرایەتیی قەیران لە پارێزگای ئازەربایجانی ڕۆژئاوا لەو بارەیەوە بە هەواڵنێرانی وتووە بە هۆی بارانی بە لێزمەی ڕۆژی ڕابردووەوە 2 هاووڵاتیی کورد بوونە قوربانی و 50 سەر مەڕوماڵاتی گوندی "دەمیرچی"ی سەر بە شاری چالدران ئاو بردی.

ناوبراو زیاتر وتی: دوو کەسی قوربانی، دوو هاووڵاتیی ژن بوون کە بۆ گیان کەندن چووبوونە کوێستان و تووشی لافاوەکە بوون. تەرمەکانیشیان پاش چەندین کاتژمێر گەڕان، دۆزرایەوە و ڕادەستی دەسەڵاتی داد و مەرجەعی یاسایی کرا.