به‌پێی هه‌واڵی کوردپرێس، هیدایه‌ت تاهر له‌ لێدوانێکی ڕۆژنامه‌وانیدا ئاماژه‌ به‌وه‌ ده‌کات که‌ سه‌رکرده‌ی یه‌کێتیی نیشتمانی له‌ پارێزگای که‌رکووک وه‌رگرتنی پۆستی پارێزگاریی که‌رکووک به‌ مافی خۆیان ده‌زانن و ده‌شڵێت: کورده‌کان به‌پێی ئه‌و ڕێککه‌وتنه‌ی که‌ ساڵانی ڕابردوو له‌ نێوان هه‌ولێر- به‌غدا ئه‌نجام دراوه‌ ده‌بێ بۆ که‌رکووک بگه‌ڕێنه‌وه‌.

ناوبراو سه‌باره‌ت به‌و تۆمه‌تانه‌ی که‌ له‌سه‌ر ساخته‌کاری له‌ هه‌ڵبژاردنی په‌رله‌مان له‌ پارێزگای که‌رکووک خراونه‌ته‌ پاڵ یه‌کێتی جه‌ختی کرده‌وه‌: ئه‌و تۆمه‌تانه‌ له‌ ڕووی مه‌نتق و یاساوه‌ به‌تاڵه‌ چوونکه‌ یه‌کێتیی نیشتمانیی کوردستان براوه‌ی هه‌ڵبژاردن له‌ پارێزگای که‌رکووک بوووه‌.

هیدایه‌ت تاهر ئاماژه‌ به‌وه‌ ده‌کات که‌ حه‌یده‌ر عه‌بادی سه‌رۆک وه‌زیرانی عێراق پێش له‌ به‌ڕێوه‌چوونی هه‌ڵبژاردنی په‌رله‌مانی عێراق ئه‌و به‌ڵێنه‌ی به‌ یه‌کێتی داوه‌ که‌ پارێزگارێکی کورد بۆ پارێزگاری که‌رکووک ده‌ستنیشان ده‌کات.

سه‌رچاوه‌: هه‌واڵده‌ریی "الاتجاه‌پرس"

کۆدی هه‌واڵنێر: 60103