کوردپرێس- به‌پێی ئاماری نوێی وه‌زاره‌تی به‌رگریی ئه‌مریکا (پێنتاگۆن) له ئێستادا 15 ھه‌زار و 298 سه‌ربازی ئه‌مریکایی له ئه‌فغانستان، 8892 سه‌رباز له عێراق و 1720 سه‌ربازیش له سووریا جێگیر کراون.
پێشتر دامه‌زراوه ڕه‌سمییه‌کانی ئه‌مریکا ئاماژه‌یان به‌وه کردبوو که 5262 سه‌ربازی ئه‌مریکایی له عێراق و 503 سه‌ربازیش له سووریا ھه‌ن.
بڵاو کردنه‌وه‌ی ئه‌م ژمارانه له کاتێکدایه که دۆناڵد ترامپ سه‌رۆکی ئه‌مریکا و فه‌رمانده‌ی گشتیی ھێزه چه‌کداره‌کانی ئه‌و وڵاته پاش دوو ساڵ و نیو له ماوه‌ی سه‌رۆکایه‌تییه‌که‌ی سه‌ردانی سه‌ربازانی خۆی له ناوچه‌که نه‌کردوووه و جۆرج بۆشی کوڕ له ماوه‌ی ده‌سه‌ڵاتی خۆی 6 جار و باراک ئۆباما 8 جار ئه‌و سه‌ردانه‌یان بۆ عێراق و ئه‌فغانستان ئه‌نجام داوه.
زۆرێک له ناوه‌نده میدیایییه‌کان ڕه‌خنه‌ی ئه‌وه له دۆناڵد ترامپ ده‌گرن که یاری گۆڵفه‌که‌ی خۆی به لاوه گرنگتره له‌وه سه‌ردانی سه‌ربازانی ئه‌مریکا له به‌ره‌کانی شه‌ڕ بکات.
سه‌رچاوه: خه‌ڵک
کۆدی هه‌واڵنێر: 60103
Your Comment