به‌پێی هه‌واڵی کوردپرێس، شیروان زرار وته‌بێژی کۆمیسیۆنی باڵای هه‌ڵبژاردن و راپرسیی هه‌رێم له‌ کۆنگره‌یێکی ڕۆژنامه‌وانیدا ڕای‌گه‌یاند: له‌سه‌ر پێشنیاری چوار ئه‌ندامی کۆمیسیۆن و یاداشتی پێنج لایه‌نی سیاسی بڕیار درا کار به‌ جیا کردنه‌وه‌ی ئه‌لیکترۆنی ده‌نگه‌کان نه‌کرێت و به ‌شێوه‌ی ده‌ستی بکرێت.

ناوبراو ئاماژه‌ی به‌وه‌ش کرد کۆمیسیۆن هه‌موو ڕێگایێکی نوێ ده‌گرێته‌ به‌ر بۆ ئه‌وه‌ی ڕێگری له‌ ساخته‌کاری بکرێت و هه‌ڵبژاردنێکی جیاواز بێت له‌وه‌ی له‌ عێراق ئه‌نجام درا.

شیروان زرار ڕوونیشی کرده‌وه‌ له‌ ڕۆژی (27)ی ئه‌م مانگه‌ کۆمیسیۆن ده‌ست ده‌کات به‌ تۆمار کردنی ناوی قه‌واره‌ سیاسییه‌کان.

سه‌رچاوه‌: سبه‌ی

کۆدی هه‌واڵنێر: 60103