بەپێی هەواڵی کوردپرێس، بەھرام قاسمی وتەبێژی وەزارەتی دەرەوەی کۆماری ئیسلامیی ئێران ئاماژەی دا بە وتەکانی ئەم دواییەی وەزیری دەرەوەی مەغریب و ڕایگەیاند: تۆمەتبار کردنی ئێران لەلایەن وەزیری دەرەوەی مەغریب ناڕەوا، درۆ و لە سەر بنەمای وەھم و چیرۆک و خەیاڵە.
وتەبێژی دەزگای دیپلۆماسیی ئێران بە ڕاشیگەیاند: دووپات کردنەوەی ئەم بوختانانە و مکووڕ بوون لە سەریشیان ھەر پەلەقاژەیێکی بێ ئەنجامە کە لە ئاکام دا بەزیانی وڵاتانی ئیسلامی دەشکێتەوە.
مەغریب یەکەمی مەی ٢٠١٨ پەیوەندییەکانی خۆی لەگەڵ ئێراندا لە بەر خۆی وتەنی پشتگریی تاران لە بەرەی پۆلیساریۆ لە سارای ڕۆژئاوادا پچڕاندووە. هەندێک لە میدیا و لێکۆڵەران دەڵێن ئەم کارەی مەغریببە هۆی گوشاری ئەمریکا و سعوودیا و ڕژێمی زایۆنیە.
کۆدی هەواڵنێر: 60113
Your Comment