به‌پێی هه‌واڵی کوردپرێس، دره‌نگانی شه‌وی ڕابردوو چه‌کدارانی داعش به ‌جلی سه‌ربازییه‌وه‌ هێرشیان کرده‌ سه‌ر گوندی که‌نعانی سه‌ر به‌ ناحیه‌ی ڕیازی پارێزگای که‌رکووک و دوای ئه‌وه‌ موختاری گونده‌که‌یان به ‌ناوى مه‌حجوب خه‌له‌ف ڕفاند و موختاره‌که‌یان کوشت و ته‌رمه‌كه‌شیان له‌ ناوچه‌یێکی باشوری ڕۆژئاوای که‌رکووک فڕێداوه‌.

چه‌کدارانی داعش دواتر وێنه‌ی ساتی کوشتنی ئه‌و موختاره‌یان له‌ پێگه‌ی خۆیان بڵاو کردۆته‌وه‌ و ڕایان‌گه‌یاندوووه‌ به‌هۆی ئه‌وه‌ی یارمه‌تی ده‌زگای هه‌واڵگریی سوپای عێراقی داوه‌ و هاوکاریی چه‌کدارانی داعشی نه‌کردوووه‌ بۆیه‌ کوژراوه‌ و ئه‌و وێنه‌یان به‌ چالاکی بۆ خۆیان له ‌قه‌ڵه‌م دا كه ‌له ‌سنووره‌كه‌دا ماون و به‌رده‌وامن له‌ چالاكی و كرداره‌كانیان.

سه‌رچاوه‌: Kurdistan TV

کۆدی هه‌واڵنێر: 60103