به‌پێی هه‌واڵی کوردپرێس، ئاژانسى هاوارنیوز لە سەر زارى ڕۆنی مێهمت سه‌رۆکی هاوبه‌شی کانتۆنی عه‌فرین بڵاوی کردەوە: "ڕووسیا و ئه‌مریکا و تورکیا سه‌باره‌ت به عه‌فرین ڕێککه‌وتننامه واژۆ ده‌که‌ن''.
ناوبراو ڕاشی‌گەیاند: هێزه‌کانی یه‌په‌گه هەوڵى چوونه ناوه‌وەی عه‌فرین دەدەن و به‌و بۆنه‌وه له گونده‌کانی ده‌وروبه‌ر له‌گه‌ڵ چەکدارانی سوپای ئازاد شه‌ڕ ده‌که‌ن.
ئەو بەرپرسەى کانتۆنى عەفرین ئاشکراشی کرد: هێزه‌کانی ئه‌مریکا و هێزه نێونه‌ته‌وه‌ییه‌کان له چوونی یه‌په‌گه بۆ عه‌فرین ڕێگری ده‌که‌ن و ڕایان‌گه‌یاندوووه که ڕووسیا و ئه‌مریکا و تورکیا له سه‌ر عه‌فرین بڕیار وایه ڕێککه‌وتن واژۆ بکه‌ن، له‌و ڕێککه‌وتنه هێزه ئه‌مریکاییه‌کان و هاوپه‌یمانیی دژ به داعشیش به‌شداری ده‌که‌ن.
ڕۆنی مێهمت ئەوەشى خستەڕوو: سه‌باره‌ت به ورده‌کاری ڕێککه‌وتنه‌که هیچ شتێک تا ئێستا ئاشكرا نه‌بوووه.
پێشتر لە ٢٠ی کانوونی دووەمی ٢٠١٨ سوپای تورکیا ئۆپراسیۆنێکی بۆ سەر عەفرین دەست‌پێکرد و پاش ٥٨ ڕۆژ له به‌رگریی شەڕڤانان شارى عەفرینى کۆنتڕۆڵ کرد و بەرپرسانى تورکیاش لە دوایین لێدوانیاندا جەختیان لەوە کردەوە کە ئامادە نین شارەکە ڕادەستى دیمەشقیش بکەن.
کۆدی هه‌واڵنێر: 60104
Your Comment