به‌پێی هه‌واڵی کوردپرێس، ئێواره‌ی ڕۆژی یه‌کشه‌ممه 20ی ئایار نووسینگه‌ی هادی عامری سه‌رۆکی هاوپه‌یمانیی فه‌تح به‌یاننامه‌یێکی ده‌رکرد و له‌و به‌یاننامه‌یه‌دا ڕای‌گه‌یاند که ناوبراو له‌گه‌ڵ نووری مالیکی سه‌رۆکی هاوپه‌یمانیی ده‌وڵه‌تی یاسا، ئه‌یاد عه‌لاوی سه‌رۆکی هاوپه‌یمانیی وه‌ته‌نییه و عه‌مار حه‌کیم سه‌رۆکی ڕه‌وتی حیکمه دیدار و له ڕێگای ته‌له‌فۆنه‌وه له‌گه‌ڵ مه‌سعوود بارزانی سه‌رۆکی پارتی دیموکراتی کوردستان گفتوگۆی کردوووه.
له‌و به‌یاننامه‌یه‌دا هاتوووه که عامری له دیدار و گفتوگۆ له‌گه‌ڵ مالیکی، عه‌لاوی، حه‌کیم و بارزانی پێکهێنانی ده‌وڵه‌تی داهاتووی عێراق خستۆته به‌ر باس و لێکدانه‌وه.
ئه‌وه له حاڵێکدایه که ئێواره‌ی ڕۆژی یه‌کشه‌ممه 21ی ئایار سه‌رۆکی هاوپه‌یمانیی فه‌تح له شاری به‌غدا له‌گه‌ڵ موقته‌دا سه‌در سه‌رۆکی هاوپه‌یمانیی سائیروون دیدار و هاوپێوه‌ند به پێکهێنانی ده‌وڵه‌تی داهاتووی عێراق گفتوگۆی کردبوو.
سه‌رچاوه: سۆمه‌ریه نیووز
کۆدی هه‌واڵنێر: 60103
Your Comment