به‌پێی هه‌واڵی کوردپرێس، به‌ دوای ڕاگه‌یاندنی لیستی به‌ربژێرانی هه‌ڵبژاردنی سه‌رۆکایه‌تیی کۆماری 24ی جوونی 2018ی تورکیا له‌لایه‌ن ئه‌نجومه‌نی باڵای هه‌ڵبژاردنی ئه‌و وڵاته‌وه‌، پارتی دیموکراتیکی گه‌لان خه‌ریکه‌ پڕۆژه‌ی ئازاد کردنی سه‌ڵاحه‌دین ده‌میرتاش ئاماده‌ ده‌کات به‌ مه‌به‌ستی ئاراسته‌ کردن له‌ په‌رله‌مانی تورکیا.

به‌ گوێره‌ی ئه‌و زانیارییانه‌ی ده‌ست که‌وتوون پارتی دیموکراتیکی گه‌لان بۆ په‌سه‌ند کردنی یاسای به‌ڕێوه‌چوونی هه‌ڵبژاردن له‌ دۆخێکی یه‌کسان جگه‌ له‌ ئاراسته‌ کردنی له‌ په‌رله‌مانی تورکیا سه‌ردانی ئه‌نجومه‌نی باڵای هه‌ڵبژاردنیش ده‌کات و داوا ده‌کات دۆخێکی یه‌کسان بۆ سه‌ڵاحه‌دین ده‌میرتاش له‌گه‌ڵ به‌ربژێرانی دیکه‌ی هه‌ڵبژاردنی سه‌رۆکایه‌تیی کۆمار فه‌راهه‌م بکه‌ن.

سه‌رچاوه‌: ڕۆژنامه‌ی جمهوورییه‌ت

کۆدی هه‌واڵنێر: 60103