بەپێی هەواڵی کوردپرێس فه‌ریق جه‌بار یاوه‌ر ئه‌مینداری گشتی وه‌زاره‌تی پێشمه‌رگه رایگه‌یاند:"ئه‌و نووسراوه‌ی حكوومه‌تی عێراق كه له‌به‌شێك له‌ده‌زگاكانی راگه‌یاندنه‌وه بڵاو كراوه‌ته‌وه و گوایه عیراق داوای چه‌كه‌كانی ده‌كاته‌وه، هیچ نوسراوێكی فه‌رمی به‌ده‌ست ئێمه نه‌گه‌یشتووه".
ناوبراو وتیشی"منیش له‌راگه‌یاندنه‌كان نوسراوه‌كه‌م بینیوه، به‌ڵام به‌فه‌رمی بۆ وه‌زاره‌ت نه‌نێردراوه، هه‌ركات بۆمان هات ئه‌وكات به‌ڕه‌سمی هه‌ڵوێستی خۆمان ده‌بێت".
له ژماره‌یێک له‌راگه‌یاندنه‌كانه‌وه نووسراوێكی دادگای سه‌ربازی حكوومه‌تی عیراق بڵاو كراوه‌ته‌وه و له به‌شێكی نوسراوه‌كه‌دا دادگای سه‌ربازی عیراق مافی به وه‌زاره‌تی به‌رگریی عیراق داوه كه‌داوای یاسایی له‌دژی هێزه‌كانی پێشمه‌رگه تۆمار بكات بۆ قه‌ره‌بوو كردنه‌وه و گه‌ڕاندنه‌وه‌ی ئه‌و چه‌ك و پێداویستییه سه‌ربازییانه‌ی كه موڵكی فه‌رمانده سه‌ربازییه‌كانی نه‌ینه‌وا بووه و دوای كه‌وتنی مووسڵ كه‌تۆته ده‌ست پێشمه‌رگه.
کۆدی هەواڵنێر: 60101
Your Comment