به‌پێی هه‌واڵی کوردپرێس، ئاژانسی هه‌واڵی سانای فه‌ڕمیی سووریا له زاری سه‌رچاوه‌یێكی سه‌ربازیی سووریاییه‌وه بڵاوی كرده‌وه به مووشه‌ک هێرش كراوه‌ته سه‌ر هه‌ندێک پێگه‌ی سه‌ربازی له ڕیفی حه‌ما و حه‌له‌ب له كاتژمێر 10:30 خوله‌كی شه‌وی ڕابردوودا.
ته‌له‌فزیۆنی سووریاش بڵاوی كرده‌وه ده‌نگی چه‌ند ته‌قینه‌وه‌یێک له ڕیفی حه‌ما بیستراوه.
ئاژانسی ڕۆیته‌رز له زاری هاووڵاتییانی ناوچه‌كه‌وه بڵاوی كرده‌وه كه ته‌قینه‌وه‌كان له پێگه‌یێكی سه‌ربازی ڕوویان داوه كه ئێرانییه‌كان بۆ پشتیوانیی حكوومه‌تی سووریا به‌كاری ده‌هێنن.
سه‌رچاوه‌یێک له ئۆپۆزسیۆنی چه‌كداری سووریا ده‌ڵێت: "یه‌كێک له‌و پێگانه‌ی بۆردومان كراوه پێگه‌ی جسر 47ی سوپای سووریا بوووه له حه‌ما.
کۆدی هه‌واڵنێر: 60103
Your Comment