کوردپرێس- به گوێره‌ی زانیارییه وه‌ده‌ستهاتوووه‌کان، له‌سه‌ر فه‌رمانی ڕه‌جه‌ب ته‌ییب ئه‌ردۆغان سه‌رۆک کۆماری تورکیا، ژێنڕاڵ هۆلۆسی ئاکار سه‌رۆکی ئه‌رکانی فه‌رمانده‌ییی هێزی چه‌کدار و ئیبراهیم کاڵن وته‌بێژی ئه‌ردۆغان به مه‌به‌ستی پاشگه‌ز کردنه‌وه‌ی عه‌بدوڵڵا گویل بۆ خۆ کاندید کردنی له هه‌ڵبژاردنی سه‌رکۆماری 2018 له‌گه‌ڵ ناوبراو دیدار و گفتوگۆیان کرد.
به دوای ئه‌و دیدار گرینگه، شه‌وی ڕابردوو عه‌بدوڵڵا گویل کۆنفڕانسێکی ڕۆژنامه‌وانی ساز کرد و ڕای‌گه‌یاند: ڕۆژی شه‌ممه 28ی نیسان بڕیاره‌که‌م له‌سه‌ر خۆکاندید بوونم له هه‌ڵبژاردنی سه‌رکۆمار ڕاده‌گه‌یێنم.
کارناسانی سیاسیی تورکیا پێیان وایه که هێڵی دیپلۆماسیی ئاکار- کاڵن به سه‌رکردایه‌تیی ئه‌ردۆغان سه‌رکه‌وتوو بوووه و ئه‌مڕۆ عه‌بدوڵڵا گویل ڕای‌ده‌گه‌یێنێت که له هه‌ڵبژاردنی سه‌رکۆمار خۆی کاندید ده‌کاته‌وه یان نا.
سه‌رچاوه: ڕۆژنامه‌ی جمهوورییه‌ت
کۆدی هه‌واڵنێر: 60103
Your Comment