به‌پێی هه‌واڵی کوردپرێس، هیلمی تاشده‌میر سه‌رۆکی کۆمپانیای ڕاپرسیی ئۆپتیماری نزیک له پارتی داد و گه‌شه له به‌رنامه‌یێکی ڕاسته‌وخۆی ته‌له‌فزیۆنیدا سه‌باره‌ت به ئه‌گه‌ری کاندیدابوونی عه‌بدوڵڵا گویل له هه‌ڵبژاردنی سه‌رۆک کۆماری له لایه‌ن پارتی سه‌عاده‌تی تورکیا ئیدعای کرد: حیزبی سه‌عاده‌ت بۆ هه‌ڵبژاردنی سه‌رۆک کۆماری ته‌رکیزی کردۆته سه‌ر عه‌بدوڵڵا گویل یازده‌هه‌مین سه‌رۆک کۆماری تورکیا. ئه‌گه‌ر عه‌بدوڵڵا گویل ببێته کاندیدای هه‌ڵبژاردنی سه‌رۆک کۆماری، 50 نوێنه‌ری پارتی داد و گه‌شه له‌و پارته ده‌کشێنه‌وه و ده‌چنه پارتی سه‌عاده‌ت.
به‌رپرسانی پارتی داد و گه‌شه ده‌ستبه‌جێ کاردانه‌وه‌یان به‌و قسانه پیشان داوه و بۆرهان کۆزۆ، نوێنه‌ری ئه‌سته‌نبۆڵ له په‌رله‌مانی تورکیا له پارتی داد و گه‌شه ئه‌و وتانه‌ی به ته‌واوتی به‌درۆ ڕاگه‌یاند.
سه‌رچاوه: ڕۆژنامه‌ی حوڕڕییه‌ت
کۆدی هه‌واڵنێر: 60104
Your Comment