به‌پێی هه‌واڵی کوردپرێس، سه‌یید عه‌ممار حه‌کیم له به‌یاننامه‌یێکدا نووسیی: ده‌بێ له قۆناغی داهاتووی عێراقدا هه‌ندێک مه‌رجی تایبه‌ت بۆ سه‌رۆک وه‌زیرانی داهاتووی ئه‌و وڵاته دیاری بکرێت له‌وان پێبه‌ندی به جێبه‌جێ کردنی به‌رنامه‌ی خزمه‌تگوزاریی ئاشکرا له خشته‌یێکی زه‌مه‌نیی دیاری‌کراو و ئاراسته کردنی ڕاپۆرتی ساڵانه له‌باره‌ی ئه‌و کارانه‌ی که ئه‌نجام دراوه.
ناوبراو ده‌شڵێت: ده‌بێ قۆناغی داهاتووی عێراق قۆناغی دروست بوونی متمانه له نێوان ده‌وڵه‌ت و هاووڵاتییانی عێراق له ڕێگای خزمه‌تگوزاری به‌وانه‌وه بێت به دوور له دروشم، پیلان و ڕیزبه‌ندیی سیاسی.
سه‌یید عه‌ممار حه‌کیم داوا له سه‌رۆک وه‌زیرانی داهاتووی عێراق ده‌کات ڕوونکردنه‌وه له‌باره‌ی به‌رنامه‌کانی بدات سه‌باره‌ت به خزمه‌تگوزاری، ڕه‌خساندنی هه‌لی کار، په‌ره‌پێدانی ئابووری و یارمه‌تی به پێشڕه‌وتی جووتیاری، پیشه‌یی، سه‌رمایه‌دانه‌ری و پشتیوانی له که‌رتی تایبه‌ت و ته‌ندروستی و په‌روه‌رده.
سه‌رچاوه: که‌ناڵی هه‌واڵی "الموقف العراقی"
کۆدی هه‌واڵنێر: 60103
Your Comment